Кирүү
«Бабушкина схема» сөз айкашы «Жылдын сөзү» акциясынын алкагында «Экономика жана финансы» номинациясында жеңүүчү болду, деп билдирет «Грамота.ру» порталынын басма сөз кызматы.
Кыймылсыз мүлккө байланышкан кеңири таралган алдамчылык схеманы билдирген бул термин үчүн сурамжылоого катышкандардын 44,6% добуш берген. Экинчи орунду «утильсбор» (14,3%) жана «самозапрет» (11,4%) сөздөрү ээледи.
«Бабушкина схема» деп алдамчылыктын мындай ыкмасы түшүндүрүлөт: шылуундар улгайган адамды үй-жайын сатууга көндүрүшөт, андан кийин сот аркылуу келишимди жараксыз деп таанытууга жетишишет. Натыйжада сатып алуучу мүлксүз да, акчасыз да калышы мүмкүн.
Эске салсак, Лариса Долина батирин саткан, бирок кийин ал алдамчылардын таасири алдында иш кылганын айтып, сотко кайрылган. Алгач келишим жараксыз деп табылып, сатып алуучу — көп балалуу эне Полина Лурье — батирсиз жана акчасыз калган.
Бул окуя коомчулукта чоң резонанс жараткан. Кийинчерээк Россиянын Жогорку соту Хамовнический сотунун чечимин жана Мосгорсоттун апелляциялык чечимин жокко чыгарган. Соттук териштирүү учурунда Долина РФтин эл артисти деген макамын жүйө кылып, психоневрологиялык диспансерден маалымкат берүүдөн баш тартканы белгилүү болгон. Жыйынтыгында сот Лурьенин даттануусун канааттандырып, батирге болгон менчик укугун анын пайдасына калтырган.
